Yoga Sutras - Samadhi Pada

1.1   atha yogānuśāsanam

1.2   yogaścittavṛtti nirodhaḥ

1.3   tadā draṣṭuḥsvarūpe'vasthānam

1.4   vṛttisārūpyamitaratra

1.5   vṛttayaḥ pañcatayyaḥ kliṣṭākliṣṭāḥ

1.6   pramāṇaviparyayavikalpanidrāsmṛtayaḥ

1.7   pratyakśānumānāgamāḥ pramāṇāni

1.8   viparyayo mithyājñānamatadrūpapratiṣṭham

1.9   śabdajñānānupātī vastuśūnyo vikalpaḥ

1.10 abhāvapratyayālambanā vṛttirnidrā

1.11 anubhūtaviṣayāsaṁpramoṣaḥsmṛtiḥ

1.12 abhyāsavairāgyābhyāṁ tannirodhaḥ

1.13 tatra sthitau yatno'bhyāsaḥ

1.14 sa tu dīrghakālanairantaryasatkārāsevito dṛḍhabhūmiḥ

1.15 dṛṣṭānuśravikaviṣayavitṛṣṇasya vaśīkārasaṁjṇā vairāgyam

1.16 tatparaṁ puruṣakhyāterguṇavaitṛṣṇyam

1.17 vitarkavicārānandāsmitārūpānugamāt saṁprajñātaḥ

1.18 virāmapratyayābhyāsapūrvaḥ saṁskāraśeṣo 'nyaḥ

1.19 bhavapratyayo videhaprakṛtilayānām

1.20 śraddhāvīryasmṛtisamādhiprajñāpūrvaka itareṣām

1.21 tīvrasaṁvegānāmāsannaḥ

1.22 mṛdumadhyādhimātratvāt tato'pi viśeṣaḥ

1.23 īśvarapraṇidhānādvā

1.24 kleśakarmavipākāśayairaparāmṛṣṭaḥpuruṣaviśeṣa īśvaraḥ

1.25 tatra niratiśayaṁ sarvajñabījam

1.26 sa eṣa pūrveṣāmapi guruḥ kālenānavacchedāt

1.27 tasya vācakaḥ praṇavaḥ

1.28 tajjapastadarthabhāvanam

1.29 tataḥ pratyakcetanādhigamo'pyantarāyābhāvaśca

1.30 vyādhistyānasaṁśaya pramādālasyāvirati bhrāntidarśanālabdha bhūmikatvānavasthitatvāni cittavikṣepāste 'ntarāyāḥ

1.31 duḥkhadaurmanasyaṅgamejayatvaśvāsapraśvāsā vikṣepasahabhuvaḥ  

1.32 tatpratiṣedhārthamekatattvābhyāsaḥ  

1.33 maitrīkaruṇāmuditopekṣāṇāṁ sukhaduḥkhapuṇyāpuṇya viṣayāṇāṁ bhāvanātaścittaprasādanam
1.34 pracchardanavidhāraṇābhyāṁ vā prāṇasya  

1.35 viṣayavatī vā pravṛttirutpannā manasaḥ sthitinibandhinī  

1.36 viśokā vā jyotiṣmatī  

1.37 vītarāgaviṣayam vā cittam

1.38 svapnanidrājñānālambanam vā

1.39 yathābhimatadhyānādvā

1.40 paramāṇuparamamahattvānto asya vaśīkāraḥ

1.41 kṣīṇavṛtterabhijātasyeva maṇergrahītṛgrahaṇagrāhyeṣu tatsthatadañjanatā samāpattiḥ

1.42 tatra śabdārthajñānavikalpaiḥsaṅkīrṇā savitarkā samāpattiḥ 

1.43 smṛtipariśuddhau svarūpaśūnyevārthamātranirbhāsā nirvitarkā  

1.44 etayaiva savicārā nirvicārā ca sūkṣma viṣaya vyākhyātā  

1.45 sūkṣmaviṣayatvaṁ cāliṅgaparyavasānam

1.46 tā eva sabījaḥ samādhiḥ  

1.47 nirvicāravaiśāradye 'adhyātmaprasādaḥ

1.48 ṛtaṁbharā tatra prajñā  

1.49 śrutānumānaprajñābhyāmanyaviṣayā viśeṣārthatvāt  

1.50 tajjaḥ saṁskāro 'nyasaṁskārapratibandhī

1.51 tasyāpi nirodhe sarvanirodhānnirbījaḥsamādhiḥ

"Raja Yoga" Yoga Sutra commentary by Swami Vivekananda

Various commentaries